કેન્દ્રીય ગૃહ અને સહકારિતામંત્રી અમિત શાહ દિવાળી અને નૂતનવર્ષના તહેવારોને લઇ અમદાવાદ આવી રહ્યા છે. આ નિમિત્તે તેઓ વિવિધ કાર્યક્રમોમાં હાજરી આપશે.
કેન્દ્રીય ગૃહમંત્રી અમિત શાહ ૩૦ ઓક્ટોબરની રાત્રે અમદાવાદ આવી પહોંચશે અને ૩૧મીએ સરદાર પટેલ જયંતી તથા દિવાળીના દિવસે સાળંગપુર હનુમાનજી મંદિરની મુલાકાત લઇ પૂજન અર્ચન કરશે.
આ ઉપરાંત રૂ.૨૦૦ કરોડના ખર્ચે વિશ્વના દરેક આધ્યાત્મિક સ્થળ તથા ગુજરાતના પહેલા સૌથી વધુ ૧૧૦૦ રૂમના શ્રોગોપાળાનંદ સ્વામી યાત્રિક ભવનનું અમિત શાહ તથા વડતાલ ગાદીના આચાર્ય મહારાજ રાકેશપ્રસાદજી તથા સંતોના હસ્તે લોકાર્પણ થશે. આ યાત્રિક નિવાસમાં ૫૦૦ એસી અને ૩૦૦ નોન એસી રૂમ અને ૧૦ હાઇસ્પીડ એલિવેટર્સની સુવિધા રહેશે.
દિવાળી પછીના દિવસે ૧ નવેમ્બરે ગાંધીનગર લોકસભા મતવિસ્તારના સાંસદ અને કેન્દ્રીય ગૃહમંત્રી અમિત શાહ AMCના વેસ્ટ ટુ એનર્જી પ્રોજેક્ટ્નો શુભારંભ કરાવશે. શુક્રવારે સવારે ૮ વાગે ગ્યાસપુર ખાતે એમએસડબલ્યુમાંથી વીજળી પેદા કરવાના જિંદાલ વેસ્ટ ટુ એનર્જી પ્લાન્ટનું લોકાર્પણ કરશે. આ પ્રસંગે મુખ્યમંત્રી ભૂપેન્દ્ર પટેલ, અમદાવાદ કોર્પોરેશનના પદાધિકારીઓ પણ ઉપસ્થિત રહેશે.
