ભારતીય સેનાના જવાનોએ રાષ્ટ્રની સેવામાં ઘરથી દૂર, જમ્મુ અને કાશ્મીરમાં નિયંત્રણ રેખા (એલઓસી) પર દિવાળીની ઉજવણી કરી હતી. દેશના સુરક્ષાદળોએ દિવાળીની પૂજા કરી, દેશભક્તિના ગીતો ગાયા અને ડાન્સ કરી ફટાકડા ફોડી દિવાળીની હર્ષોલ્લાસ સાથે ઉજવણી કરી હતી. આ દરમિયાન કેટલાક જવાનો પોતાના પરિવારને યાદ કરીને ભાવૂક પણ થયા હતા. સાથે જ દેશવાસીઓને શાંતિપૂર્ણ માહોલમાં દિવાળીની ઉજવણી કરવા શુભેચ્છા સંદેશ પણ પાઠવ્યો હતો. દેશવાસીઓને દિવાળીની શુભેચ્છા પાઠવતા સેનાના એક જવાનએ કહ્યું કે અમે લોકોને ખાતરી આપવા માંગીએ છીએ કે અમે નિયંત્રણ રેખા પર મજબૂતીથી ઉભા છીએ. તમારા પરિવાર સાથે તહેવારોની ઉજવણી કરો.
