ભારતીય ક્રિકેટ ટીમના બેટર કેએલ રાહુલ પિતા બનવા જઈ રહ્યો છે. તેની પત્ની અભિનેત્રી આથિયા શેટ્ટી આગામી સમયમાં બાળકને જન્મ આપશે. આ માહિતી ખુદ રાહુલે સોશિયલ મીડિયા પર એક પોસ્ટ મારફતે ચાહકો સાથે શેર કરી હતી.
કેએલ રાહુલે આ પોસ્ટ શેર કરતાની સાથે ચાહકો તેને અભિનંદન આપી રહ્યા છે. રાહુલ હાલ ઓસ્ટ્રેલિયાના પ્રવાસે છે. તે ભારત A અને ઓસ્ટ્રેલિયા A ટીમ વચ્ચે મેલબોર્નમાં રમાઈ રહેલી બિનસત્તાવાર ટેસ્ટનો ભાગ છે.
મહત્વનું છે કે, બોલીવુડના જાણીતા અભિનેતા સુનિલ શેટ્ટીની પુત્રી આથિયા શેટ્ટી અને ક્રિકેટર કેએલ રાહુલ જાન્યુઆરી 2023માં લગ્નના બંધનમાં બંધાયા હતા.
