જો શરીરમાં યુરિક એસિડ વધી જાય તો રોગપ્રતિકારક શક્તિ યોગ્ય રીતે કામ કરી શકતી નથી. જેના કારણે અનેક પ્રકારની સમસ્યાઓ શરૂ થવા લાગે છે. યુરિક એસિડ ક્રિસ્ટલમાં બદલાઈ જાય છે અને આંગળીઓના સાંધામાં અટવાઈ જાય છે, જેનાથી ખૂબ જ વધારે દુઃખાવો થઈ શકે છે. આ સિવાય બીજી ઘણી સમસ્યાઓ પણ થઈ શકે છે. રોજિંદા જીવનમાં ખરાબ ખાણીપીણીની વસ્તુઓનું સેવન કરવાથી શરીરમાં Uric Acid નું પ્રમાણ વધે છે. તેની સાથે કિડનીમાં સ્ટોન બનવાની સમસ્યા પણ થાય છે. પરંતુ કેટલાક એવા ડ્રિંક્સ છે જે યુરિક એસિડનું પ્રમાણ ઘટાડી શકે છે.
8થી 10 ગ્લાસ પીવો પાણી
તબીબ કોઈપણ રોગમાં પાણી પીવાની મનાઈ કરતા નથી. કારણ કે… પાણી શરીરમાં રહેલા ઝેરને બહાર કાઢે છે. પાણી પીવાથી હાઇડ્રેશન જળવાઈ રહે છે. દરરોજ 8 થી 10 ગ્લાસ પાણી પીવાથી Uric Acid ની સમસ્યા ઓછી થઈ શકે છે.
લીંબુ પાણી
જો તમારે યુરિક એસિડને કંટ્રોલ કરવું હોય તો એ માટે લીંબુ પાણી ઉત્તમ ઉપાય છે. Uric Acidના દર્દીઓએ સવારે ખાલી પેટે લીંબુ પાણી પીવું જોઈએ. આ કુદરતી પીણું પીવાથી શરીરમાં એકઠા થયેલા ગંદા ઝેરી તત્વો બહાર નીકળી જાય છે. લીંબુ શરીરમાં હાઇડ્રેશન પણ જાળવી રાખે છે. લીંબુ પાણી બનાવવા માટે તમારે 1 ગ્લાસ પાણીમાં 1 આખું લીંબુ નિચોવીને પીવું પડશે.
આદુની બનેલી ચા
આદુની ચા સામાન્ય દૂધની ચા કરતા અલગ હોય છે. આદુમાં એન્ટી-ઇંફ્લેમેટરી ગુણ હોય છે જે હાડકાના સોજાને ઘટાડે છે. આદુની ચા પીવાથી પાચનક્રિયા પણ સુધરે છે. તેને બનાવવા માટે તમારે અડધો ઈંચ આદુને પાણીમાં ઉકાળીને પીવું પડશે. આ પીણું સવારે ખાલી પેટ પીવું વધુ ફાયદાકારક સાબિત થશે.
