વડોદરા જિલ્લાના કોયાલી વિસ્તારમાં આવેલી ઈન્ડિયન ઓઈલ કોર્પોરેશન લિમિટેડની રિફાઈનરીમાં સોમવારે જોરદાર વિસ્ફોટ થયો હતો. આ વિસ્ફોટ IOCL રિફાઈનરીની સ્ટોરેજ ટાંકીમાં થયો હતો. બ્લાસ્ટ બાદ રિફાઈનરીમાં આગ ફાટી નીકળી હતી. જેનો ધુમાડો કેટલાય કિલોમીટર સુધી દેખાતો હતો. આગની ઘટના બાદ આસપાસની કંપનીઓમાં કામ કરતા કર્મચારીઓમાં પણ દોડધામ મચી ગઈ હતી. ગઈકાલે સાંજે લાગેલી આગ આખરે 12 કલાકની ભારે જહેમત બાદ કાબુ મેળવાયો હતો. જોકે આ ભીષણ આગની ઘટનામાં કંપનીમાં કામ કરતા બે કર્મચારીઓના મોત નિપજ્યા છે. શૈલેષ મકવાણા, હિમંત મકવાણા નામના 2 કર્મચારીના મોતના અહેવાલ છે. તો અન્ય 3 લોકો દાઝી જતાં સારવાર માટે ખસેડાયા છે. 12 કલાકની જહેમત બાદ આગ કાબૂમાં આવી હતી, જેને લઈ તંત્રએ પણ રાહતનો શ્વાસ લીધો હતો.
https://youtube.com/shorts/pURI8EaL7xQ?si=lmitlCiLfM4OdZXX
ત્રીપલ FFF ફોર્મનો કરાયો ઉપયોગ
ગુજરાત રિફાઇનરીમાં બપોરે પહેલો અને મોડી રાતે બીજો બ્લાસ્ટ થયો હતો. તેના બાદ ફાયર વિભાગે બ્રિગેડ કોલ જાહેર કર્યો હતો. આ બાદ અનેક વિસ્તારોની ફાયર બ્રિગેડની ટીમ તાત્કાલિક રિફાઈનરી પહોંચી હતી. આગ પર ત્રીપલ FFF ફોર્મનો મારો સતત ચાલુ રખાયો હતો. આ ફ્રોર્મ જ આગ પર કાબુ મેળવી શકે છે.
