ભારતે ગાઈડેડ પિનાક વેપન સિસ્ટમ (Pinak Rocket System) નું સફળ પરીક્ષણ કર્યું છે. આ પરીક્ષણ સંરક્ષણ સંશોધન અને વિકાસ સંગઠન (DRDO) દ્વારા કરવામાં આવ્યું હતું. આ સિસ્ટમ માત્ર 44 સેકન્ડમાં 12 રોકેટ ફાયર કરી શકે છે, એટલે કે દર 4 સેકન્ડમાં એક રોકેટ. ટ્રાયલ દરમિયાન તેની ફાયરપાવર, ચોકસાઈ અને એકસાથે અનેક લક્ષ્યો પર હુમલો કરવાની શક્તિનું પરીક્ષણ કરવામાં આવ્યું હતું.ખાસ વાત એ છે કે આ સિસ્ટમ સંપૂર્ણપણે દેશમાં જ બનાવવામાં આવી છે. પિનાક રોકેટ લોન્ચરનું સફળ પરીક્ષણ કરવામાં આવતા હવે ભારતીય સેના પણ વધુ મજબૂત બનશે. પિનાકા રોકેટ લોન્ચરનો ઉપયોગ પહેલેથી જ ભારતીય સેના કરી રહી છે. આને પાકિસ્તાન અને ચીન સરહદ પર તૈનાત કરવામાં આવ્યું છે. આની ક્ષમતા વધવાથી હવે બંને દેશોની બેચેની પણ વધી જશે.
શું છે પિનાક રોકેટ લોન્ચર
પિનાક રોકેટ લોન્ચર સિસ્ટમનું નામ ભગવાન શિવના ધનુષ્ય ‘પિનાક’ પરથી રાખવામાં આવ્યું છે. તેને DRDOના પૂણે સ્થિત આર્મમેન્ટ રિસર્ચ એન્ડ ડેવલપમેન્ટ એસ્ટાબ્લિશમેન્ટ (ARDE) દ્વારા વિકસાવવામાં આવ્યું છે. તેની બેટરીમાં છ લોન્ચ વાહનોનો સમાવેશ થાય છે. તેમાં લોડર સિસ્ટમ્સ, રડાર અને નેટવર્ક આધારિત સિસ્ટમ્સ અને કમાન્ડ પોસ્ટ સાથેની લિંક્સ છે.હાલમાં 2 વર્ઝન છે. પ્રથમ માર્ક I છે, જેની રેન્જ 40 કિલોમીટર છે અને બીજી માર્ક-II છે, જેની રેન્જ 75 કિલોમીટર છે. તેની રેન્જ 120-300 કિલોમીટર સુધી વધારવાની યોજના છે.
