અમદાવાદ શહેરમાં દર વર્ષે કોર્પોરેશન દ્વારા ફ્લાવર શોનું આયોજન કરવામાં આવે છે. પરંતુ આ વખતે લોકોને અમદાવાદના આ ફેમસ ફ્લાવર શોમાં જવું મોંઘું પડવાનું છે. આ વર્ષે યોજાનારા ફ્લાવર શોની ટિકિટમાં વધારો કરવામાં આવ્યો છે. આ વખતે ફ્લાવર શોમાં 12 વર્ષથી ઉપરના લોકો માટે સોમવારથી શુક્રવાર ટિકિટનો ભાવ રૂપિયા 50થી વધારી 70 રૂપિયા કરવામાં આવ્યો છે. એટલે કે તેમાં 20 રૂપિયાનો વધારો કરવામાં આવ્યો છે. જ્યારે શનિવાર અને રવિવારે મુલાકાતીઓને 100 રૂપિયા ચુકવવા પડશે. ઉલ્લેખનીય છે કે, વર્ષ 2024માં સોમવારથી શુક્રવાર દરમિયાન 50 રૂપિયા ટિકીટ હતી. જ્યારે શનિવાર અને રવિવારે 75 રૂપિયા ટિકિટના દર હતા. નોંધનીય છે કે, સ્પેશિયલ કેસમાં ફ્લાવર શો નિહાળવા માટે પણ ખાસ વ્યવસ્થા કરવામાં આવી છે. તેની ફીની વાત કરવામાં આવે તો, રૂપિયા 500ની પ્રવેશ ફી આપી ખાસ લાઈનમાં પ્રવેશ અપાશે.
