ભારત અને ઓસ્ટ્રેલિયા વચ્ચે રમાઈ રહેલી પાંચ મેચની ટેસ્ટ સિરીઝે રોમાંચક વળાંક લીધો છે. પર્થમાં રમાયેલી સિરીઝની પહેલી મેચમાં ટીમ ઇન્ડિયાએ 295 રનેથી મેચ જીતી હતી. ત્યાર બાદ એડિલેડમાં કોંગારૂઓએ 10 વિકેટે ભારતને હાર આપી હતી. હવે બંને ટીમો બ્રિસ્બેનના ગાબામાં સામસામે ટકરાશે. જોકે ભારત ગાબા ખાતે 2021ના તેના પ્રદર્શનનું પુનરાવર્તન કરવા પર ધ્યાન આપશે. ત્રીજી ટેસ્ટ મેચ ભારતીય સમયાનુસાર સવારે 05:50 વાગ્યે શરૂ થશે. જોકે ત્રીજી ટેસ્ટમાં વરસાદ વિઘ્ન બને તેવી સંભાવના વ્યક્ત કરવામાં આવી રહી છે. એક્યુવેધરના જણાવ્યા અનુસાર ભારત વિરુદ્ધ ઓસ્ટ્રેલિયાની ત્રીજી ટેસ્ટના પ્રથમ દિવસે વાવાઝોડાની 88 ટકા સંભાવના છે. આ ઉપરાંત વાતાવરણ ભેજવાળું અને વાદળછાયું રહેવાની શક્યતા છે. રવિવાર અને સોમવારે પણ અનુક્રમે 58% અને 60% વરસાદની સંભાવના વધારે છે.
ચાર વર્ષ પહેલા 2020માં ટીમ ઇન્ડિયાએ ગાબામાં ઓસ્ટ્રેલિયાને હરાવ્યું હતું. ત્યારે ભારતે કાંગારૂઓને ત્રણ વિકેટે હાર આપી હતી. આ મેચમાં જીતનો હીરો ઋષભ પંત રહ્યો હતો. ત્યારે 1988 પછી પહેલીવાર ઓસ્ટ્રેલિયન ટીમ આ મેદાન પર હારી હતી.
