ધોરણ 10નો અભ્યાસ પૂર્ણ કરી અનેક વિદ્યાર્થીઓ કોચિંગ ક્લાસમાં જતા હોય છે અને તેમના ડમી વિદ્યાર્થી તરીકે સ્કૂલોમાં નામ ચાલતા હોવાની શિક્ષણ બોર્ડમાં એક બોર્ડના પૂર્વ સભ્યએ ફરિયાદ કરી હતી. ત્યારે આ મામલાને ગંભીરતાથી લઈને શિક્ષણ વિભાગે લાલ આંખ કરી છે અને બોર્ડ દ્વારા તમામ ડીઈઓને ડમી વિદ્યાર્થીઓને સ્કૂલોમાં જઈને શોધવા માટે તપાસ કરવા આદેશ કર્યો છે.
ગુજરાતના કેટલાક શહેરોમાં ડમી સ્કૂલો ચાલે છે એટલે કે, આ સ્કૂલો વિદ્યાર્થીઓને ફક્ત કાગળ ઉપર જ એડમિશન આપે છે અને તેમની પાસેથી મોટી રકમની ફી વસૂલ કરે છે. આવી સ્કૂલોને શોધીને બંધ કરાવવા માટે શિક્ષણ વિભાગ દ્વારા DEOને સૂચના આપવામાં આવી છે.
