નવા વર્ષની શરૂઆત સાથે જ અક્ષય કુમારની આગામી ફિલ્મ ‘ સ્કાય ફોર્સ’નું ટ્રેલર લોન્ચ થયું છે આ ફિલ્મ 24 જાન્યુઆરીથી સિનેમાઘરોમાં રીલીઝ થશે. ઐતિહાસિક હવાઈ હુમલા પર આધારિત એરિયલ એક્શન ફિલ્મ સ્કાય ફોર્સમાં અક્ષય કુમાર સાથે વીર પહાડિયા પણ લીડ રોલમાં નજરે પડશે. આ ઉપરાંત ફિલ્મમાં સારા અલી ખાન પણ જોવા મળશે. ફિલ્મના ટ્રેલરમાં બેકગ્રાઉન્ડમાં લતા મંગેશકરનો અવાજમાં એ મેરે વતન કે લોગોં દેશભક્તિ ગીત સાંભળવા મળે છે.
અક્ષય કુમારની Sky Force ફિલ્મ દેશભક્તિ પર આધારિત ફિલ્મ છે. અક્ષય કુમાર આર્મીના જાંબાઝ ઓફિસર ટાઈગર છે, જ્યારે વીર પહાડિયા-ટૈબીના રોલમાં છે. વીરની પત્નીનું પાત્ર સારા અલી ખાન નિભાવી રહી છે. ટ્રેલરથી સંપૂર્ણ કહાની લગભગ સ્પષ્ટ થતી નજરે પડે છે કે આ પાકિસ્તાન સાથે બદલો લેવા પર છે. સ્કાય ફોર્સની વાર્તાની વાત કરીએ તો ભારત દ્વારા પાકિસ્તાનના સરગોધા એરબેસ પર થયેલા હુમલા પર આધારિત છે.
