આજે કોઈપણ પ્રકારની ઈજાનું સટીક આંકલન કરવા માટે ડૉક્ટર્સ સૌથી પહેલાં એક્સ-રે કરવાની સલાહ આપે છે, પરંતુ શું તમે જાણો છોકે એક્સ-રેની શરૂઆત કેવી રીતે અને ક્યારે થઈ હતી? પહેલીવાર કોણે એક્સ-રે કરાવ્યો હતો?
આજે તારીખ 18 જાન્યુઆરી છે. આજની તારીખના ઇતિહાસની વાત કરીયે તો વર્ષ 1896માં પહેલીવાર ‘એક્સ-રે મશીન’ને પ્રદર્શિત કરવામાં આવી હતી.
1869-1875 ની આસપાસ અંગ્રેજી ભૌતિકશાસ્ત્રી વિલિયમ ક્રૂક્સ દ્વારા શોધાયેલ પ્રારંભિક પ્રાયોગિક ઇલેક્ટ્રિકલ ડિસ્ચાર્જ ટ્યુબ, ક્રૂક્સ ટ્યુબ સાથે પ્રયોગ કરવાથી એક્સ-રેની શોધ થઈ . 1895 માં, વિલ્હેમ રોન્ટજેને ક્રૂક્સ ટ્યુબમાંથી નીકળતા એક્સ-રેની શોધ કરી અને એક્સ-રેના ઘણા ઉપયોગો તરત જ સ્પષ્ટ થઈ ગયા. પ્રથમ એક્સ-રે ફોટોગ્રાફ્સમાંનો એક રોન્ટજેનની પત્નીના હાથનો હતો. છબીમાં તેણીના લગ્નની વીંટી અને હાડકાં બંને દર્શાવવામાં આવ્યા હતા. 18 જાન્યુઆરી, 1896ના રોજ હેનરી લુઇસ સ્મિથ દ્વારા ઔપચારિક રીતે એક્સ-રે મશીન પ્રદર્શિત કરવામાં આવ્યું હતું . ક્લેરેન્સ ડેલી દ્વારા 1904ના વિશ્વ મેળામાં સંપૂર્ણ રીતે કાર્યરત એકમ જાહેર જનતા માટે રજૂ કરવામાં આવ્યું હતું .
દુનિયાની જરૂરિયાત બન્યા એક્સ-રે
એક રિપોર્ટ અનુસાર આજે દુનિયાભરમાં દરેક સેકન્ડે 100થી વધુ એક્સ-રે થાય છે એટલે કે વર્ષમાં 4 અરબથી પણ વધારે એક્સ-રે કરાવવામાં આવી રહ્યા છે.
