વર્ષ 2004માં રિલીઝ થયેલી શાહરૂખ ખાનની ફિલ્મ ‘Main Hoon Na’ જબરદસ્ત હિટ સાબિત થઈ હતી. આ ફિલ્મમાં અભિનેતાએ મેજર રામની ભૂમિકા ભજવી હતી. ત્યારે 21 વર્ષ બાદ સુપરહિટ ફિલ્મ મેં હૂં નાની સિક્વલ બનવાની તૈયારીઓ શરૂ કરવામાં આવી છે. આ પહેલી વાર હતું જ્યારે કિંગ ખાન ફરાહ ખાનની ફિલ્મમાં કામ કરી રહ્યો હતો.
પિંકવિલાના એક અહેવાલ મુજબ, રેડ ચિલીઝ બેનર હેઠળ, મેં હું ના-2 બનાવવાની તૈયારીઓ શરૂ કરાઈ છે. ‘મેં હું ના’ શાહરૂખ ખાન અને ગૌરી ખાન દ્વારા તેમના બેનર રેડ ચિલીઝ એન્ટરટેઈનમેન્ટ હેઠળ નિર્મિત પહેલી ફિલ્મ હતી. ફિલ્મની સ્ક્રીપ્ટ પર કામ ચાલી રહ્યું છે. ફરાહ ખાન અને તેમની ટીમ આ ફિલ્મ પર કામ કરી રહી છે. જોકે આ ફિલ્મમાં શાહરૂખ ખાન કામ કરશે કે કેમ તે હજી સુધી સ્પષ્ટ થયું નથી. શાહરૂખ ખાન અને ફરાહ ખાન અગાઉ ‘મૈં હૂં ના’, ‘ઓમ શાંતિ ઓમ’ અને ‘હેપ્પી ન્યૂ યર’માં સાથે કામ કરી ચૂક્યા છે. જો આ સિક્વલ બને છે તો તે તેમની સાથે ચોથી ફિલ્મ હશે. શાહરૂખ ખાનની આગામી ફિલ્મ સિદ્ધાર્થ આનંદ દ્વારા દિગ્દર્શિત ‘કિંગ’ છે જે 2026 માં રિલીઝ થવા જઈ રહી છે. આ ઉપરાંત, તે YRF સ્પાય યુનિવર્સ ફિલ્મ ‘પઠાણ 2’ માં પણ જોવા મળશે, જેની વાર્તા હજુ પણ કામ હેઠળ છે.
