AI થી ઘણા દેશો ચિંતિત છે પણ પીએમ મોદીએ પેરિસમાં એઆઈને લઈ કહી આ મોટી વાત

વડાપ્રધાન નરેન્દ્ર મોદી બે દિવસના ફ્રાંસના પ્રવાસે છે. આ દરમિયાન પીએમ મોદીએ પેરિસમાં AI એક્શન સમિટમાં ભાગ લીધો હતો અને સંબોધન પણ કર્યું હતું. પેરિસમાં ચાલી રહેલા AI Action Summitમાં વડા પ્રધાન નરેન્દ્ર મોદીએ કહ્યું કે, AI હવે એક જરૂરિયાત બની ગઈ છે. આપણી પાસે દુનિયાની સૌથી મોટી પ્રતિભા છે. લોકોનો ડેટા સુરક્ષિત રાખવાની જવાબદારી આપણી છે. કેટલાક લોકો મશીનોની વધતી શક્તિથી ચિંતિત છે, પરંતુ ચિંતા કરવાની કોઈ વાત નથી.

https://x.com/narendramodi/status/1889243356661956792

વધુમાં વડાપ્રધાન મોદીએ કહ્યું કે, AI આપણું જીવન બદલી રહ્યું છે. AI આપણી રાજનીતિ, અર્થતંત્ર, સુરક્ષા અને આપણા સમાજને બદલી રહ્યું છે. AI આ સદીમાં માનવતા માટે કોડ લખી રહ્યું છે પરંતુ તે માનવ સમાજના ઈતિહાસમાં અન્ય કોઈપણ ટેકનોલોજીથી વિપરીત છે. જોકે સાથે જ તેમણે એ પણ કહ્યું કે, AIના સકારાત્મક પાસાઓની સાથે, તેના અન્ય ઘણા પાસાઓ છે જેના પર આપણે ધ્યાન આપવું પડશે.”