હાઇ પ્રોફાઇલ ઇન્ડિયન પ્રિમિયર લીગ-2025ની શરૂઆત પહેલા રોયલ ચેલેન્જર્સ બેંગ્લુરુએ ટીમમાં મોટો ફેરફાર કર્યો છે. રોયલ ચેલેન્જર્સ બેંગ્લુરે IPL ના નવા કેપ્ટનની પુષ્ટિ કરી છે. રજત પાટીદાર ટીમનો નવો કેપ્ટન બન્યો છે.
તમામ લોકોમાં એવી ચર્ચા હતી કે વિરાટ કોહલીને ફરીવાર કેપ્ટન તરીકેની જવાબદારી સોંપવામાં આવી શકે છે. જો કે ટીમમાં નવા કેપ્ટન તરીકે રજતની પસંદગી કરવામાં આવી છે.પાટીદાર 2021 માં RCB માં જોડાયો હતો ત્યારથી, તે ટીમનો ભાગ રહ્યો છે.છેલ્લી સીઝન એટલે કે IPL 2024 માં, દક્ષિણ આફ્રિકાના ફાફ ડુ પ્લેસિસે ટીમનું નેતૃત્વ કર્યું હતું. પરંતુ IPL 2025 પહેલા, ટીમે ન તો ડુ પ્લેસિસને જાળવી રાખ્યો કે ન તો મેગા ઓક્શનમાં તેને ફરીથી ખરીદ્યો. ડુ પ્લેસિસ IPL 2025 માં દિલ્હી કેપિટલ્સ તરફથી રમતો જોવા મળશે. ડુ પ્લેસિસને દિલ્હીએ 2 કરોડ રૂપિયામાં ખરીદ્યો.
