આજથી ICC ચેમ્પિયન્સ ટ્રોફી 2025ની શરૂઆત થઇ છે. આજે પાકિસ્તાન અને ન્યુઝીલેન્ડની વચ્ચે ટુર્નામેન્ટની પહેલી મેચ રમાઈ રહી છે. જોકે આ પહેલા ICCએ નવી ODI રેન્કિંગ જાહેર કરી છે. નવી રેન્કિંગ મુજબ પાકિસ્તાનના સ્ટાર બેટર બાબર આઝમને (Babar Azam) મોટું નુકશાન થયું છે, બાબર પાસેથી નંબર વનનું સ્થાન છીનવાઈ ગયું છે. હવે, ભારતનો ઓપનિંગ બેટર શુભમન ગિલે નંબર વન આવી આવી ગયો છે. ભારતનો સ્ટાર બેટર અને વાઈસ કેપ્ટન શુભમન ગિલ વનડે ફોર્મેટમાં ટોચના સ્થાને પહોંચી ગયો છે. તેણે બાબર આઝમને પાછળ છોડી દીધો છે. શુભમન ગિલ 796 રેટિંગ સાથે ODI માં નંબર વન બેટર બની ગયો છે. આ પહેલા શુભમન ગિલ પણ 2023માં થોડા સમય માટે નંબર વન પર પહોંચ્યો હતો, પરંતુ પછી બાબર આઝમે નં.1ના સ્થાન પર કબજો જમાવ્યો હતો. બાબર આઝમ લાંબા સમય સુધી નં.1 પર રહ્યો હતો. હવે, બાબર આઝમ હવે બીજા સ્થાને પહોંચી ગયો છે, તેનું રેટિંગ 773 છે.વનડેમાં ટોપ-10 બેટરોની યાદીમાં ભારતના ચાર ખેલાડીએ સ્થાન મેળવ્યું છે. ગિલ સિવાય કેપ્ટન રોહિત શર્મા ત્રીજા સ્થાન પર, વિરાટ કોહલી છઠ્ઠા સ્થાન પર અને શ્રેયસ અય્યર નવમાં સ્થાને છે. શ્રેયસને પણ એક સ્થાનનો ફાયદો થયો છે.
TOP 10માં ભારતના આ ચાર ખેલાડીને સ્થાન
શુભમન ગિલ પ્રથમ સ્થાને
રોહિત શર્મા ત્રીજા સ્થાને
વિરાટ કોહલી છઠ્ઠા સ્થાને
શ્રેયસ અય્યર નવમાં સ્થાને
