વિક્કી કૌશલની ફિલ્મ ‘છાવા’ કમાણીના બધા જ રેકોર્ડ તોડી રહી છે.ફિલ્મે 5 દિવસની અંદર જ તેના બજેટથી વધુની કમાણી કરી લીધી છે. ફિલ્મમાં વિક્કી કૌશલનો અભિનય દર્શકોના દિલ જીતી રહ્યો છે. આ અભિનેતા સંભાજી મહારાજની ભૂમિકા ભજવીને ચાહકોને પ્રભાવિત કરવામાં સફળ રહ્યો છે. ફિલ્મે હવે બોક્સ ઓફિસ પર ૧૮૦ કરોડ રૂપિયાનો આંકડો પાર કરી લીધો છે.
‘છાવા’ના પ્રોડક્શન હાઉસ મેડોક ફિલ્મ્સ અનુસાર, ‘છાવા’ એ પહેલા દિવસે ભારતમાં 33.1 કરોડ રૂપિયાની કમાણી સાથે બોક્સ ઓફિસ ખાતું ખોલ્યું. ફિલ્મે બીજા દિવસે 39.3 કરોડ રૂપિયાની કમાણી કરી હતી, જ્યારે ત્રીજા દિવસે તેણે 49.03 કરોડ રૂપિયાનો બિઝનેસ કર્યો હતો.વિક્કી કૌશલની ફિલ્મે ચોથા દિવસે ૨૪.૧ કરોડ રૂપિયા અને પાંચમા દિવસે ૨૫.૭૫ કરોડ રૂપિયાની કમાણી કરી. હવે છઠ્ઠા દિવસના શરૂઆતના આંકડા પણ બહાર આવી ગયા છે. વિક્કી કૌશલની ‘છાવા’ ફિલ્મે છઠ્ઠા દિવસે સાંજે 4 વાગ્યા સુધીમાં 9.18 કરોડ રૂપિયાની કમાણી કરી છે. આનો અર્થ એ થયો કે ફિલ્મે સ્થાનિક બોક્સ ઓફિસ પર 6 દિવસમાં કુલ 180.46 કરોડ રૂપિયા કલેક્શન કરી લીધું છે. આ ફિલ્મ વિકી કૌશલની સૌથી મોટી હિટ ફિલ્મ ‘ઉરી: ધ સર્જિકલ સ્ટ્રાઈક’ ના લાઈફટાઈમ કલેક્શન (245.35 કરોડ રૂપિયા) ને વટાવી જવાની નજીક છે.
