GUJCET ની પરીક્ષાને લઈ મોટી અપડેટ સામે આવી છે. જે મુજબ, ગુજરાત કોમન એન્ટ્રન્સ ટેસ્ટ) 2025ની પરીક્ષાનો કાર્યક્રમ જાહેર કરવામાં આવ્યો છે. જેમાં ગુજકેટની પરીક્ષા તારીખ 23 માર્ચ 2025ને રવિવારના રોજ યોજાશે. સવારે 10:00 થી બપોરે 4:00 કલાકે ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ, ગાંધીનગર દ્વારા યોજવામાં આવશે. આ પરીક્ષા રાજ્યના વિવિધ જિલ્લા કક્ષાના કેન્દ્રો પર લેવામાં આવશે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા વિજ્ઞાનપ્રવાહના A, B અને AB ગ્રુપના વિદ્યાર્થીઓ ગુજકેટની પરીક્ષાની આપી શકશે છે.ગુજરાત કોમન એન્ટરન્સ ટેસ્ટ માટે નીચે મુજબના વિષયના બહુવિકલ્પિય પ્રકારના હેતુલક્ષી પ્રશ્નો ધરાવતા પ્રશ્નપત્રો રહેશે અને તેની સામે દર્શાવેલા પ્રશ્નો, ગુણ અને સમય રહેશે. મહત્વનું છે કે, ગુજરાત સરકારના શિક્ષણ વિભાગના 19 નવેમ્બર 2016ના ઠરાવ અનુસાર, ધોરણ 12 વિજ્ઞાન પ્રવાહના વિદ્યાર્થીઓ માટે 2017 થી ગુજકેટ (GUJCET) પરીક્ષા ફરજીયાત કરી દેવામાં આવી છે. આ પરીક્ષા એન્જિનિયરિંગ અને ફાર્મસી ડિગ્રી/ડિપ્લોમા અભ્યાસક્રમોમાં પ્રવેશ માટે યોજાય છે.
