ઈન્ડિયન પ્રીમિયર લીગની શરૂઆતની મેચો મુંબઈ ઈન્ડિયન્સ માટે પડકારજનક રહેવાની શક્યતા છે. સ્પીડ સ્ટાર જશપ્રીત બુમરાહ ઈજાના કારણે કેટલીક મેચોમાંથી બહાર થઈ શકે છે . કેપ્ટન હાર્દિક પંડ્યા પ્રતિબંધને કારણે આઇપીએલની પહેલી મેચ રમી શકશે નહીં. મુંબઈ ઈન્ડિયન્સ આઈપીએલની પોતાની પ્રથમ મેચ 23 માર્ચે એમએ ચિદમ્બરમ સ્ટેડિયમ ખાતે ચેન્નઈ સુપર કિંગ્સ સામે રમશે. IPL હજુ શરૂ થઈ નથી તો હાર્દિક પર પ્રતિબંધ કેમ? હાર્દિક પંડ્યાએ 2015માં મુંબઈ ઇન્ડિયન્સ તરફથી રમીને પોતાની IPL કારકિર્દીની શરૂઆત કરી હતી.
આ પછી તે 2021 સુધી આ ફ્રેન્ચાઇઝીનો મહત્વપૂર્ણ ખેલાડી રહ્યો. 2022માં તે ગુજરાત ટાઇટન્સ માટે કેપ્ટન તરીકે રમ્યો અને તેના પહેલા જ વર્ષમાં ટીમને ચેમ્પિયન બનાવી હતી. 2023માં પણ તેમની કેપ્ટનશીપ હેઠળ તેમણે ગુજરાતને ફાઇનલમાં પહોંચાડ્યું જ્યાં તેમની ટીમ CSK સામે હારી ગઈ હતી. ગુજરાત માટે 2 સીઝન રમ્યા બાદ તે નવેમ્બરમાં મુંબઈ ઈન્ડિયન્સમાં પાછો ફર્યો અને IPL 2024માં મુંબઈની જવાબદારી સંભાળી હતી.
