હોળી-ધૂળેટીનો તહેવારની લોકો આનંદ ઉલ્લાસ સાથે ઉજવણી કરતા હોય છે. ત્યારે ધૂળેટીનાં તહેવારની રાત્રે વડોદરામાં ગોઝારી ઘટના બનવા પામી હતી. જેમાં વડોદરામાં નશામાં ચકચૂર બનેલ યુવક દ્વારા પુર ઝડપે કાર ચલાવી બેથી ત્રણ વાહનોને અડફેટે લીધા હતા. આ અકસ્માતમાં એક મહિલાનું ઘટના સ્થળે જ મોત નિપજ્યું હતું. જ્યારે અન્ય 5થી વધુ લોકો ઘાયલ થતા તેમને સારવાર અર્થે હોસ્પિટલમાં ખસેડવામાં આવ્યા હતા.
https://x.com/i/status/1900287941731373499
અકસ્માતના કાળજુ કંપાવી દેતા CCTV દ્રશ્યો સામે આવ્યા છે. જેમાં કાર ચાલક બેફામ રીતે કાર હંકારી વાહનોને અડફેટે લેતો નજરે પડ્યો હતો. અકસ્માત બાદ સ્થાનિક લોકોએ કાર ચાલકને બહાર કાઢી ઢોર માર માર્યો હતો. બીજીબાજુ બનાવની જાણ થતા સ્થાનિક પોલીસ ઘટના સ્થળે દોડી આવી હતી અને અકસ્માત સર્જનાર નબીરા રક્ષિત ચોરસિયાની ધરપકડ કરી વધુ ગુનો નોંધી તપાસ હાથ ધરી હતી.
