અમેરિકન અવકાશ એજન્સી નાસાના અવકાશયાત્રીઓ સુનિતા વિલિયમ્સ અને બુચ વિલ્મોર 9 મહિના પછી પૃથ્વી પર પરત ફર્યા છે. તેમણે ફ્લોરિડાના કિનારે સફળ ઉતરાણ કર્યું હતું. બંને અવકાશયાત્રીઓના પાછા ફર્યા બાદ અવકાશમાં તેમની 9 મહિનાની યાત્રાનો અંત આવ્યો છે. બંને અવકાશયાત્રીઓ ભારતીય સમય અનુસાર સવારે 3.30 કલાકે ફ્લોરિડાના કિનારે સુરક્ષિત રીતે ઉતર્યા હતા.
https://x.com/NASA/status/1902118174591521056
સુનિતા વિલિયમ્સની સલામત વાપસીની આખી દુનિયા રાહ જોઈ રહી હતી. ત્યારે તેઓ પૃથ્વી પર પરત ફરતા તેમના ચાહકોમાં ખુશી જોવા મળી રહી છે. સુનિતા વિલિયમ્સ અને બૂચ વિલ્મોર ધરતી પર પરત ફરતા નાસાએ એલન મસ્કની કંપની સ્પેસએક્સનો આભાર વ્યક્ત કર્યો હતો. મહત્વનું છે કે, સુનિતા વિલિયમ્સ અને બૂચ વિલ્મોર બોઇંગ સ્ટારલાઇનર અવકાશયાનની પ્રથમ માનવયુક્ત પરીક્ષણ ઉડાન પર ગયાં હતાં, પરંતુ ટેક્નિકલ ખામીને કારણે અવકાશયાન સુરક્ષિત રીતે પરત ફરી શક્યું નહતું. ત્યારે આખરે બંને અવકાશયાત્રી 9 મહિના બાદ પૃથ્વી પર પરત ફર્યા છે.
