અમેરિકામાં ભારતીયો પર હુમલાની ઘટનાનો સિલસિલો યથાવત જોવા મળી રહ્યો છે. ત્યારે ગત 20 માર્ચે અમેરિકાના વર્જિનિયામાં મહેસાણાના વતની પિતા-પુત્રી પર ગોળીબાર કરવામાં આવ્યો હતો. આ ઘટનામાં પિતાનું ઘટનાસ્થળે જ મોત નીપજ્યું હતું, જ્યારે પુત્રીને ગંભીર ઇજાઓ પહોંચતા સારવાર અર્થે હોસ્પિટલ ખસેડવામાં આવી હતી.
આ ઘટનામાં ગંભીર રીતે ઇજાગ્રસ્ત પુત્રીનું આજે શનિવારે સારવાર દરમિયાન મોત નીપજતાં સમગ્ર પરિવારમાં શોકનો માહોલ છવાયો છે. ઘટનાની જાણ થતાં સ્થાનિક પોલીસ સ્ટોર પર પહોંચી ગઇ હતી અને હુમલાખોરની ધરપકડ કરી લીધી છે. હત્યા કરનાર આરોપી ઓળખ જ્યોર્જ ફ્રેઝિયર ડેવોન વ્હાર્ટન તરીકે થઇ છે. આ ઘટનાને પગલે અમેરિકામાં વસતા ભારતીયો અને ગુજરાતી સમાજમાં શોકની સાથે ભયની લાગણી ફેલાઇ છે.
