લખનઉ સુપરજાયન્ટ્સે ઈન્ડિયન પ્રીમિયર લીગ (IPL)ની 18મી સીઝનમાં પોતાની પહેલી જીત નોંધાવી હતી. લખનઉની ટીમે હૈદરાબાદને તેના જ હોમ ગ્રાઉન્ડ પર 5 વિકેટથી હરાવ્યું હતું.
હૈદરાબાદે પહેલા બેટિંગ કરતા ટ્રેવિસ હેડના 47 અને અનિકેત વર્માના 36 રનની મદદથી 9 વિકેટના નુકસાન સાથે 190 રન બનાવ્યા હતા. જેના જવાબમાં લખનઉએ 191 રનના ટાર્ગેટનો પીછો કરતા 16.1 ઓવરમાં 5 વિકેટ ગુમાવી મેચ પોતાને નામે કરી લીધી હતી.
લખનઉ તરફથી નિકોલસ પૂરને તોફાની 70 રનની ઈનિંગ રમી હતી, જ્યારે મિચેલ માર્શે 52 રન ફટકાર્યા હતા. હૈદરાબાદ તરફથી કેપ્ટન પેટ કમિન્સે 2 વિકેટ લીધી. શાર્દૂલ ઠાકુરે લખનઉ માટે 4 વિકેટ લીધી હતી.
