ચેન્નઈ સુપર કિંગ્સને IPL-2025માં સતત બીજી હારનો સામનો કરવો પડ્યો છે. રવિવારે રમાયેલી બીજી મેચમાં, CSKનો રાજસ્થાન રોયલ્સ સામે 6 રને પરાજય થયો. રાજસ્થાનને આ સીઝનમાં પહેલી જીત મળી છે, જ્યારે ચેન્નઈની આ બીજી હાર છે. મેચમાં પ્રથમ બેટિંગ કરતા નીતિશ રાણાની અડધી સદીની મદદથી રાજસ્થાને ચેન્નાઈ સુપર કિંગ્સને 183 રનનો લક્ષ્યાંક આપ્યો હતો. નીતિશ રાણા ઉપરાંત રાયન પરાગે 37 રન બનાવ્યા હતા.
જ્યારે ચેન્નાઈ તરફથી ખલીલ અહેમદ, નૂર અહેમદ અને મથીશા પથિરાનાએ બે-બે વિકેટ લીધી હતી. જ્યારે આર અશ્વિન અને જાડેજાએ 1-1 વિકેટ ઝડપી હતી. જવાબમાં ચેન્નાઈ નિર્ધારિત ઓવરોમાં છ વિકેટે માત્ર 176 રન જ બનાવી શક્યું હતું. ચેન્નાઈ તરફથી રુતુરાજ ગાયકવાડે સર્વાધિક 63 રનની ઈનિંગ રમી હતી. જ્યારે જાડેજા 32 રન બનાવી અણનમ રહ્યો હતો. RR તરફથી વાનિન્દુ હસરંગાએ જબરદસ્ત બોલિંગ કરી 4 વિકેટ લીધી હતી.
