સરકારે પ્રધાનમંત્રીની આર્થિક સલાહકાર પરિષદના સભ્ય ડૉ. પૂનમ ગુપ્તાને ભારતીય રિઝર્વ બેંક (RBI)ના નવા ડેપ્યુટી ગવર્નર તરીકે નિયુક્ત કર્યા છે.મળતી માહિતી મુજબ, ભારતીય રિઝર્વ બેંક (RBI)ના નવા ડેપ્યુટી ગવર્નર તરીકે પૂનમ ગુપ્તાની નિમણૂક કરવામાં આવી છે. તેઓ વર્તમાનમાં નેશનલ કાઉન્સિલ ઑફ એપ્લાઈડ ઈકોનોમિક રિસર્ચ (NCIR)ના મહાનિદેશક છે. તેઓ RBIમાં ત્રણ વર્ષ સુધી ડેપ્યુટી ગવર્નરનો કાર્યભાર સંભાળશે.
તેમની નિમણૂક માઈકલ પાત્રાના સ્થાને કરવામાં આવી છે. પાત્રાએ જાન્યુઆરી-2025માં પદ પરથી રાજીનામું આપી દીધું હતું.પૂનમ ગુપ્તા અમેરિકા સ્થિત સ્કૂલ ઑફ ઈકોનોમિક્સ યુનિવર્સિટી ઑફ મેરીલેન્ડમાં ભણાવતા હતા. આ ઉપરાંત તેમણે દિલ્હીમાં ISI વિજિટિંગ ફેકલ્ટી તરીકે પણ કામગીરી નિભાવી છે. તેઓ તે નેશનલ ઇન્સ્ટિટ્યૂટ ઓફ પબ્લિક ફાઇનાન્સ એન્ડ પોલિસીમાં આરબીઆઈ ચેર પ્રોફેસર અને ICRIER માં પ્રોફેસર પણ રહી ચુકી છે.
