ગુજરાતના શિક્ષણ વિભાગ દ્વારા શાળાકીય પ્રવૃતિના કેલેન્ડરની જાહેરાત કરી દેવામાં આવી છે. શાળાકીય પ્રવૃતિઓ માટેનું કેલેન્ડર જાહેર થયું છે. માધ્યમિક શિક્ષક બોર્ડ દ્વારા કેલેન્ડર જાહેર કરવામાં આવ્યું છે. જેમાં શૈક્ષણિક સત્રના દિવસો, શાળાકીય પરીક્ષાની તારીખની વિગતો, પરીક્ષાઓ અંગેની સૂચનાઓ, વેકેશનના દિવસો, જાહેર રજાઓની વિગતો તેમજ ધોરણ-10-12ની બોર્ડની પરીક્ષાઓની તારીખની વિગતો આપવામાં આવી છે.
ધોરણ 10 તથા 12 ની બોર્ડની પરીક્ષા ફેબ્રુઆરી માસમાં જ આટોપી લેવામાં આવશે. ધોરણ 9 થી 12 ની પ્રથમ પરિક્ષા સપ્ટેમ્બર મહિનામાં લેવામાં આવશે. બીજી શાળાકીય પરીક્ષાઓ જાન્યુઆરી 2026 થી શરૂ થઇ જશે.શાળાની વાર્ષિક પરીક્ષાઓ જાન્યુઆરી 2026 સુધીમાં આટોપી લેવામાં આવશે. 16 ઓક્ટોબરથી 5 નવેમ્બર દરમિયાન દિવાળી વેકેશન રહેશે. એટલે કે દિવાળી વેકેશન 20 દિવસનું રહેશે. પ્રથમ સત્ર 9 જુનથી 15 ઓક્ટોબર સુધી ગણાશે. 16 ઓક્ટોબરથી દિવાળી વેકેશન શરૂ થઇ જશે. ત્યાર બાદ 6 નવેમ્બરે શાળા ખુલ્યા બાદ દ્વિતિય સત્રની શરૂઆત થશે. જે 3 મે સુધી રહેશે. ત્યાર બાદ વેકેશન રહેશે. ઉનાળુ વેકેશન 60 દિવસ એટલે કે બે મહિનાનું રહેશે. આ પ્રકારે દિવાળી અને ઉનાળુ વેકેશન બંન્ને મળીને 80 દિવસનું વેકેશન રહેશે.
