ઇન્ડિયન પ્રીમિયર લીગ 2025ની 24 મી મેચમાં રોયલ ચેલેન્જર્સ બેંગલુરુ અને દિલ્હી કેપિટલ્સ વચ્ચે મેચ રમાઈ હતી. આ મેચમાં દિલ્હી કેપિટલ્સે સતત ચોથી જીત મેળવી વિજય રથને આગળ વધાર્યો છે. જ્યારે બેંગલુરુને હારનો સામનો કરવો પડ્યો છે. દિલ્હીએ બેંગ્લોરને 6 વિકેટે હાર આપી હતી. કેએલ રાહુલની વિસ્ફોટક બેટિંગના સહારે દિલ્હીએ આ મેચ પોતાના નામે કરી લીધી હતી. રાહુલે અણનમ ૯૩ રનની ઇનિંગ રમી હતીઆરસીબીએ પ્રથમ બેટિંગ કરતા દિલ્હીને જીતવા માટે ૧૬૪ રનનો લક્ષ્યાંક આપ્યો હતો. જવાબમાં દિલ્હી કેપિટલ્સે ૧૭.૫ ઓવરમાં જ ૪ વિકેટ ગુમાવીને આ લક્ષ્યાંક હાંસલ કરી લીધો હતો. દિલ્હી કેપિટલ્સની જીત માટે કેએલ રાહુલે મહત્વની ભૂમિકા ભજવી હતી. રાહુલે અણનમ 93 રન બનાવ્યાં હતા. રાહુલે 53 બોલમાં સાત ચોગ્ગા અને છ છગ્ગા ફટકાર્યા હતા. દિલ્હી કેપિટલ્સની આ સતત ચોથી જીત છે. જ્યારે રોયલ ચેલેન્જર્સ બેંગલુરુની પાંચ મેચમાં આ બીજી હાર છે.
