ભારતે હવે લેસર હથિયાર સિસ્ટમથી દુશ્મનોના ડ્રેન અને મિસાઈલોને તોડી પાડવાની ક્ષમતા હાંસલ કરી લીધી છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન(ડીઆરડીઓ) દ્વારા પ્રથમ વાર આંધ્રપ્રદેશના કુરનૂલમાં આ 30 કિલોવોટ લેસર આધારીત હથિયાર સિસ્ટમની ક્ષમતાનું પ્રદર્શન કરવામાં આવ્યું હતું.
મળતી માહિતી મુજબ, ભારતે સંરક્ષણ ક્ષેત્રમાં ફરી એક વખત કમાલ કરી છે. ભારતે વિમાન, મિસાઈલ અને ડ્રોનને તોડી પાડવા સક્ષમ લેસર આધારિત હથિયાર વિકસાવ્યું છે. આ સાથે ભારત હાઈ-પાવર લેસર હથિયારો ધરાવતા પસંદગીના દેશોની યાદીમાં સામેલ થઈ ગયું છે. આ સફળતાએ ભારતને અમેરિકા, ચીન અને રશિયા જેવા દેશોની વિશેષ ક્લબમાં મૂકી દીઘું છે. આ દેશો હાઈ-પાવર લેસર ડીઈડબલ્યુ ટેક્નોલોજી ધરાવે છે.
