બોલિવૂડના પોપ્યુલર સિંગર અને રેપર બાદશાહ હાલમાં ટીવી રિયાલિટી શો ‘ઈન્ડિયન આઈડલ’ની સિઝન 15માં દેખાઈ રહ્યો છે. તે આ શોમાં શ્રેયા ઘોષાલ, વિશાલ દદલાની, મીકા સિંહ અને શિલ્પા શેટ્ટી સાથે જજ તરીકે નજર આવી રહ્યો છે. આ વચ્ચે સમાચાર સામે આવ્યા છે કે સિંગર બાદશાહ બોલીવુડની અભિનેત્રીના પ્રેમમાં પડ્યો છે.
આ અંગેના સંકેત ટીવી રિયાલિટી શોની જજ શિલ્પા શેટ્ટીએ આપ્યા છે. વાસ્તવમાં ‘ઈન્ડિયન આઈડલ 15’ શોમાં જજ તરીકે નજર આવી રહેલા બાદશાહની ડેટિંગની ચર્ચા વચ્ચે શિલ્પા શેટ્ટીએ સંકેત આપ્યો છે કે તે બોલિવૂડ એક્ટ્રેસને ડેટ કરી રહ્યો છે. આજકાલ એવા સમાચાર સામે આવી રહ્યા છે કે બાદશાહ એક્ટ્રેસ તારા સુતારિયાને ડેટ કરી રહ્યો છે અથવા તે તેની ક્રશ છે.
શિલ્પા શેટ્ટી પણ આ બાબતે તેને ચીડવતી જોવા મળી હતી. શોમાંથી એક વીડિયો વાયરલ થયો હતો જેમાં શિલ્પા શેટ્ટી બાદશાહ માટે 90ના દાયકાનું એક ગીત ગાય છે. તે કહે છે કે, ‘બાદશાહ મેં સાંભળ્યું કે તુ હાલમાં દિવસે પણ તારા જોઈ રહ્યો છે, તારા જોઈ રહ્યો છે તું.’ અરે આપણે 90ના દાયકાનો સમય સેલિબ્રેટ કરી રહ્યા છીએ, તો મને તારા માટે એક ખાસ ગીત યાદ આવી રહ્યું છે. ટન ટના ટન…..ટન ટન ટન તારા. ચલતી હૈ ક્યા 9 સે 12.
