અમેરિકન ઉપ રાષ્ટ્રપ્રમુખ જે. ડી. વેન્સ હાલમાં ચાર દિવસની ભારતની મુલાકાતે આવ્યા છે. ભારતમાં આવ્યા બાદ તેઓએ પત્ની ઉષા અને ત્રણ બાળકો – ઇવાન, વિવેક અને મિરાબેલ સાથે દિલ્હીમાં આવેલા વિશ્વવિખ્યાત સ્વામિનારાયણ અક્ષરધામ મંદિરની મુલાકાત લીધી હતી.
મળતી માહિતી મુજબ, યુનાઇટેડ સ્ટેટ્સના ઉપ-રાષ્ટ્રપતિ જેડી વેન્સે તેમના ચાર દિવસના ભારત પ્રવાસની શરૂઆત નવી દિલ્હીના અક્ષરધામ મંદિરની મુલાકાતથી કરી હતી. અમેરિકાના ઉપરાષ્ટ્રપતિ જેડી વાન્સ તેમના પત્ની ઉષા વાન્સ અને ત્રણ બાળકો સાથે BAPS અક્ષરધામ મંદિરની મુલાકાતે પહોંચ્યા હતા. બીએપીએસ જે એક અગ્રણી હિન્દુ સનાતન ધર્મની અગ્રણી આધ્યાત્મિક સંસ્થા છે. ત્યારે અમેરિકન ઉપરાષ્ટ્રપતિએ દિલ્હી અક્ષરધામના દર્શન કરી ભારતીય સનાતન સંસ્કૃતિના ભવ્ય કલા, સ્થાપત્ય અને શ્રદ્ધા, કુટુંબ અને સંવાદિતાના કાલાતીત મૂલ્યોનો અનુભવ કર્યો હતો.
