ઇન્ડિયન પ્રીમિયર લીગ (IPL) ૨૦૨૫ની ૪૬મી મેચ દિલ્હીના અરુણ જેટલી સ્ટેડિયમમાં રોયલ ચેલેન્જર્સ બેંગ્લોર અને દિલ્હી કેપિટલ્સ વચ્ચે રમાઈ હતી. આ મેચમાં RCBએ શાનદાર પ્રદર્શન કરીને દિલ્હી કેપિટલ્સને ૬ વિકેટે હરાવીને પોતાની પાછલી હારનો બદલો લઈ લીધો છે. RCBએ ટોસ જીતીને પહેલા બોલિંગ કરવાનું નિર્ણય લીધું હતું. જે પછી આરસીબીના બોલર્સે શાનદાર બોલિંગ કરીને બેટિંગ કરવા ઉતરેલી દિલ્હીને 8 વિકેટના નુકસાન પર 162 રન પર અટકાવી દીધી હતી.
રોયલ ચેલેન્જર્સ બેંગલુરુની બોલિંગની વાત કરીએ તો ભુવનેશ્વર કુમારે 3, જોશ હેઝલવૂડે 2 અને યશ દયાલ તેમજ કૃણાલ પંડ્યાએ 1-1 વિકેટ ઝડપી હતી. ટાર્ગેટ ચેઝ કરવા ઉતરેલી RCBએ 18.3 ઓવરમાં 165 રન ફટકારી જીત મેળવી હતી. દિલ્હી તરફથી કે.એલ. રાહુલે સૌથી વધુ 39 બોલમાં 41 રન ફટકાર્યા હતા. જ્યારે RCBની શરૂઆત ખરાબ રહી હતી, જોકે વિરાટ કોહલી અને કૃણાલ પંડ્યાએ ઈનિંગ સંભાળી હતી, વિરાટ કોહલીએ 47 બોલમાં 51 રન બનાવ્યા હતા, જ્યારે કૃણાલ પંડ્યાએ 47 બોલમાં 73 રન ફટકાર્યા હતા. આ બંનેની શાનદાર ઇનિંગના સહારે RCBએ મેચ જીતી હતી.
