જ્યોતિર્મઠના શંકરાચાર્ય સ્વામી અવિમુક્તેશ્વરાનંદ સરસ્વતીએ કોંગ્રેસ નેતા રાહુલ ગાંધીને લઈને મોટું નિવેદન આપ્યું છે. તેમણે કહ્યું છે કે રાહુલ ગાંધી હવે હિન્દુ ધર્મનો ભાગ નથી. તેઓએ તેમને જાહેરમાં હિન્દુ ધર્મમાંથી બહિષ્કૃત કરવાની જાહેરાત કરી છે. શંકરાચાર્યએ કહ્યું કે આજથી રાહુલ ગાંધીને હિન્દુ ધર્મનો સભ્ય ન માનવા જોઈએ. રાહુલ ગાંધીએ સંસદમાં મનુસ્મૃતિ અંગે નિવેદન આપ્યું હતું.
આ અંગે શંકરાચાર્યે રાહુલ ગાંધી પાસેથી સ્પષ્ટતા માંગી હતી. આ સંદર્ભમાં તેમને એક પત્ર પણ મોકલવામાં આવ્યો હતો પરંતુ ત્રણ મહિના પછી પણ રાહુલ ગાંધી તરફથી કોઈ જવાબ આવ્યો નથી. હવે શંકરાચાર્ય અવિમુક્તેશ્વરાનંદે જાહેરમાં હિન્દુ ધર્મમાંથી હકાલપટ્ટીની જાહેરાત કરી છે.
રાહુલ ગાંધી સંસદમાં કહે છે કે બળાત્કારીને બચાવવાનો ફોર્મ્યૂલા બંધારણમાં નથી તમારા પુસ્તક એટલે કે મનુસ્મૃતિમાં લખ્યું છે.’ શંકરાચાર્યએ કહ્યું કે, રાહુલ ગાંધીને મનુસ્મૃતિમાં કોઈ વિશ્વાસ નથી. તેઓ સંસદમાં ઉભા રહીને મનુસ્મૃતિ વિશે ખોટા નિવેદનો આપી રહ્યા છે. જ્યારે મનુસ્મૃતિમાં બળાત્કારીને રક્ષણ આપવાનો કોઈ ઉલ્લેખ નથી. તમે મનુસ્મૃતિને બદનામ કરવા માટે આ કહી રહ્યા છો. દરેક હિન્દુ, ભલે તે સંમત હોય કે ન હોય, મનુસ્મૃતિને પોતાનો ધાર્મિક ગ્રંથ માને છે. જો તમે મનુસ્મૃતિને તમારો ગ્રંથ નથી કહેતા, તો તેનો અર્થ એ નથી કે તમે હિન્દુ નથી.
