NEET 2025ની પરીક્ષાનું આયોજન દેશભરમાં નક્કી કરેલા વિવિધ કેન્દ્રો પર એક જ શિફ્ટમાં યોજાશે. બે શિફ્ટમાં પરીક્ષાના આયોજનને પડકારતી અરજી પર સુનાવણી દરમિયાન શુક્રવારે (30 મે) સુપ્રીમ કોર્ટે પરીક્ષાનું એક જ શિફ્ટમાં આયોજન કરવાનો નિર્ણય લીધો છે. પરીક્ષાનું આયોજન 15 જૂનથી સીબીટી મોડમાં કરવામાં આવશે. નોંધનીય છે કે, આ પહેલા પરીક્ષા બે શિફ્ટમાં આયોજિત કરવાનો કાર્યક્રમ જાહેર કરાયો હતો.
કોર્ટે પરીક્ષા આયોજકોને NEET PG 2025ની પરીક્ષા ફક્ત એક જ શિફ્ટમાં લેવાનો નિર્દેશ આપ્યો છે, જેથી પારદર્શિતા જળવાઈ રહે અને બધા ઉમેદવારોને સમાન તક મળે.કોર્ટે પોતાના આદેશમાં કહ્યું હતું કે, “બે શિફ્ટમાં પરીક્ષા લેવાથી અસમાનતા સર્જાય છે અને તે બધા ઉમેદવારોને સમાન તક આપી શકતી નથી. બે અલગ અલગ શિફ્ટમાં પૂછાયેલા પ્રશ્નપત્રો ક્યારેય સમાન મુશ્કેલી સ્તરના ન હોઈ શકે. છેલ્લી વખત પરીક્ષા ખાસ સંજોગોમાં બે શિફ્ટમાં લેવામાં આવી હતી પરંતુ આ વખતે પરીક્ષા સંચાલન સંસ્થાએ એક જ શિફ્ટમાં પરીક્ષા યોજવાની વ્યવસ્થા કરવી જોઈતી હતી.”
