છેલ્લા ઘણા વર્ષોથી ગુજરાતી ફિલ્મો સિનેમાઘરોમાં જબરદસ્ત ધૂમ મચાવી રહી છે. ગુજરાતે ઘણા નામી કલાકારો ઈન્ડસ્ટ્રીને આપ્યા છે. જેમાં ઘણા યુવા કલાકારોનો પણ સમાવેશ થાય છે. આ કલાકારોમાં એક નામ છે કશિશ રાઠોરનું. જી હાં, કશિશ એક એવું નામ છે જે ગુજરાતી ઈન્ડસ્ટ્રીમાં આજે ઘરે ઘરે જાણીતું બન્યું છે તે એક અભિનેત્રી જ નહીં પણ એક સારી ગાયિકા પણ છે.
સૌ પ્રથમ સ્ટેજ સિંગર ત્યારબાદ પ્લેબેક સિંગર, પ્રોફેસર ઓફ આર્કિટેક્ટ અને હવે એક અભિનેત્રી બની ચૂકેલી કશિશ આજે ગુજરાતભરમાં જાણીતી બની ગઈ છે. ખૂબ જ ટૂંકા ગાળામાં, કશિશે મનોરંજન ઉદ્યોગમાં પોતાની ઓળખ બનાવી છે, લગભગ 10 ગુજરાતી ફીચર ફિલ્મો (Kinaaro, Love you Papa, Love chumbak, Bhoot adhbhoot, Sevabhavi, aakashvani, goom, Chanda, patkatha , Happy divorce anniversary અને ઘણી બધી) , આ ઉપરાંત તેણે હિન્ટી શોર્ટ ફિલ્મમાં પણ અભિનય કર્યો છે.
ગુજરાતના યુથ આઈકોન કશિશ રાઠોરે સારેગામા ગુજરાતી, ઝી મ્યુઝિક,ટી સિરીઝ, એકતા સાઉન્ડ વિગેરે મ્યુઝિક ચેનલ પર તેના 70 જેટલા આલ્બમ ગીતો છે જેને લાખોમાં વ્યુઅરશિપ મળી છે. મ્યુઝિક ઈન્ડસ્ટ્રીએ તેને “આલ્બમ ક્વીન” નું બિરુદ આપ્યું છે.
નાની ઉંમરમાં જ સ્ટેજ આર્ટિસ્ટ તરીકે નામના મેળવેલ કશિશ રાઠોરના અમદાવાદ ટાઉનહોલ, ટાગોર હોલ, દિનેશ હોલ વગેરે હોલ તેમજ ગુજરાત,રાજસ્થાન, મહારાષ્ટ્રમાં અનેક જગ્યાએ હાઉસફુલ શો થઈ ચૂક્યા છે. નવા-જુના દરેક પ્રકારના, મધુર, હળવા તેમજ પોપ ગીતો, એમ દરેક ગીતો પરફોર્મન્સ સાથે ગાઇને રજૂ કરનાર ગુજરાતના તેઓ સૌથી નાની ઉંમરની કલાકાર છે. ગુજરાતી ફિલ્મોમાં પ્લેબેક સિંગિંગ પણ કરે છે. પોતે કલાકાર હોવાનું ગૌરવ અનુભવનાર, આર્કિટેક્ટ તરીકે ખ્યાતનામ યુનિવર્સિટીના પ્રોફેસર તરીકે કામ કરનાર કશિશ રાઠોરનું ગમતું ગીત તેણે પોતે બોલિવૂડ પ્લેબેક સિંગર શાહિદ માલ્યા સાથે ગાયેલું ગીત “કિનારો” છે, જેમા તેણે એકટીંગ પણ કરી છે.
https://www.instagram.com/humrahifoundation/
કશિશ ફિલ્મો અને સિંગિંગની સાથે સાથે વિવિધ ઉત્પાદનો અને ઝુંબેશો માટે બ્રાન્ડ એમ્બેસેડર પણ છે, GenZ Star કશિશ રાઠોરનું સ્લોગન છે ‘તમારા અંતરમનને ઓળખો અને તેને અનુસરો ‘ તેમજ તે પોતાના NGO (હમરાહી ફાઉન્ડેશન) દ્વારા તે અવાર નવાર સામાજિક કાર્યો કરતી જોવા મળે છે. જે મુખ્યત્વે દિવ્યાંગ (વિવિધ રીતે-વિકલાંગ) બાળકોને ટેકો આપે છે.
