આજે, 28 જૂન, 2025 એ ટેક કિંગ અને વિશ્વના સૌથી ઈનોવેટિવ માઇન્ડવાળા એલન મસ્કનો 54મો જન્મદિવસ છે. કલ્પના કરો કે જો તેમનો જન્મ પૃથ્વી પર ન થયો હોત તો ટેકની દુનિયા કેવી હોત? જો ટેસ્લાની કાર ક્યારેય રસ્તાઓ પર ન આવી હોત? જો SpaceX ક્યારેય મંગળ પર ન ગયું હોત? એલોન મસ્ક (Elon Musk) 28 જૂન, 2022 ના રોજ 54 વર્ષના થયા છે અને તેમને વિશ્વભરમાંથી જન્મદિવસની શુભેચ્છા મળી રહી છે.
1971માં દક્ષિણ આફ્રિકામાં જન્મેલા એલન મસ્ક દક્ષિણ આફ્રિકા, અમેરિકા અને કેનેડા એમ ત્રણ દેશોની નાગરિકતા ધરાવે છે. તેમના માતા મોડલ હતા અને પિતા એન્જિનિયર હતા. માતા-પિતાના ત્રણ સંતાનોમાંથી સૌથી મોટા એલન મસ્કરને નાનપણથી જ પુસ્તકો અને કમ્પ્યુટરનો શોખ હતો. USA ટુડેના રિપોર્ટ પ્રમાણે, સ્કૂલના અભ્યાસ બાદ 1995માં પીએચડી કરવા અમેરિકાની સિલિકોન વેલી આવ્યા. અમેરિકાની સ્ટેનફોર્ડ યુનિવર્સિટીમાં એપ્લાઇડ ફિઝિક્સમાં એડમિશન લીધું પરંતુ બે દિવસમાં કોસ છોડીને નાના ભાઈ પાસે કેલિફોર્નિયા આવી ગયા. બંને ભાઈએ ઝિપર નામનું સ્ટાર્ટઅપ શરૂ કર્યું. ધીમે ધીમે કંપનીમાં રોકાણકરાો મળતા ગયા અને 1999માં 30 લાખ ડોલરમાં કમ્પ્યૂટર કંપની કોમ્પેકને વેચી દીધી. જે બાદ તેણે એક્સ.કોમ નામની ઓનલાઈન ફાઈનાન્સ કંપની ખોલી. જેનું પાછળથી નામ બદલીને પેપલ કરી દેવાયું. પેપલે બીજા જ વર્ષે સીઈઓ પદેથી તેમની હકાલપટ્ટી કરી. મસ્કે ઇલેક્ટ્રિક કારના ઉત્પાદન માટે જાણીતી કંપની ટેસ્લા મોટર્સના સંસ્થાપક પણ છે. તેમણે 2003માં કંપનીની સ્થાપના કરી હતી.
મસ્કે 2002માં સ્પેસ એક્સ નામની કંપની સ્થાપી
વિશ્વના સૌથી આધુનિક રોકેટ અને સ્પેસક્રાઇટની ડિઝાઇન, ઉત્પાદન અને લોંચિંગના હેતુથી મસ્કે 2002માં સ્પેસ એક્સ નામની કંપની સ્થાપી હતી.સ્પેસ એક્સને માત્ર ખાનગી ઔદ્યોગિક કંપનીઓ જ નગીં પરંતુ અમેરિકન સરકારની અવકાશ સંશોધન સંસ્થા NASA પણ ઓર્ડર આપે છે. મસ્ક જ્યારે જાણીતા નહોતા થયા ત્યારે તેણે બે-ત્રણ વખતે એપ્ટિટ્યૂટ ટેસ્ટ કરાવ્યો હતો. જેના આધારે તેમનો આઈક્યૂ લેવલ 155 આવ્યો હતો. મસ્ક અઠવાડિયામાં 80 કલાક કામ કરે છે અને બીજા પાસેથી પણ આવી આશા રાખે છે. મસ્કનું સ્વપ્ન મંગળ ગ્રહ પર માનવ વસાહત સ્થાપવાનું છે. આ માટે તેમણે એક યોજના પણ બનાવી છે.તમને જણાવી દઈએ કે ઈલોન મસ્કે વર્ષ 2022માં ટ્વિટરને 44 બિલિયન ડોલરમાં ખરીદ્યું હતું. આ પછી તેણે માઇક્રોબ્લોગિંગ પ્લેટફોર્મમાં એક પછી એક ઘણા ફેરફારો કર્યા. આમાં સૌથી મોટો ફેરફાર મુદ્રીકરણ નીતિ લાવવાનો અને ટ્વિટરનું નામ બદલીને X કરવાનો હતો.
