ભારતે ત્રીજી T20 મેચમાં દક્ષિણ આફ્રિકાને 11 રને હરાવ્યું છે. પ્રથમ બેટિંગ કરવા આવેલી ભારતીય ટીમે 20 ઓવરમાં 6 વિકેટે 219 રન બનાવ્યા હતા. જેના જવાબમાં દક્ષિણ આફ્રિકાની ટીમ 20 ઓવરમાં 7 વિકેટે 208 રન જ બનાવી શકી હતી. આ રીતે સૂર્યકુમાર યાદવની આગેવાની હેઠળની ભારતીય ટીમે 11 રને જીત મેળવી હતી. આ જીત પછી ભારતીય ટીમ 4 T20 મેચોની શ્રેણીમાં 2-1થી આગળ છે.
ભારત તરફથી તિલક વર્માએ સૌથી વધુ અણનમ 107 રન બનાવ્યા હતા. તિલક વર્માએ 56 બોલમાં 8 ફોર અને 7 સિક્સરની મદદથી 107 રનની ઇનિંગ્સ રમી હતી. તિલક વર્મા સિવાય અભિષેક શર્માએ 25 બોલમાં 5 સિક્સર અને 3 ફોરની મદદથી 50 રન બનાવ્યા હતા.
