નાસા પણ ઈન્ટરનેશનલ સ્પેસ સ્ટેશનને લઈને ચિંતામાં છે. છેલ્લા પાંચ વર્ષથી ISSમાં થોડું લીકેજ ચાલી રહ્યું હતું. જો કે, હવે એવું બહાર આવ્યું છે કે ઓછામાં ઓછા 50 સ્થળોએ લીકેજની સમસ્યા છે. આ સિવાય ISSમાં પણ તિરાડો દેખાઇ રહી છે. નાસાના એક તપાસ રિપોર્ટમાં આ અંગેની ચોંકાવનારી વિગત સામ આવી છે, નાસાનો એક તપાસ રિપોર્ટ લીક થયો હતો જેમાં ખુલાસો થયો હતો કે ISS ખતરામાં છે.
આ ઉપરાંત સુનિતા વિલિયમ્સ સહિત અહીંના અવકાશયાત્રીઓના જીવ પણ જોખમમાં છે. પ્રથમ લીક સ્પેસ સ્ટેશનમાં હાજર યવેઝદા મોડ્યુલમાંથી શરૂ થયું હતું, જે ડોકિંગ પોર્ટ તરફ દોરી જતી ટનલ છે. આ ભાગનું નિયંત્રણ રશિયાના હાથમાં છે. જોકે, નાસા અને રશિયન એજન્સી રોસકોમોસ વચ્ચે આ સમસ્યાનું સાચું કારણ શું છે તે અંગે હજુ સુધી કોઈ સહમતિ નથી બની શકી. જાણીતા મીડિયા અનુસાર, નાસાના અવકાશયાત્રી બોબ કબાનાએ કહ્યું કે સ્પેસ એજન્સીએ આ લીકેજ અંગે ચિંતા વ્યક્ત કરી છે. જોકે લોકોના જીવ બચાવવા અને ઉકેલ શોધવાના પ્રયાસો નાસા દ્વારા કરવામાં આવી રહ્યા છે.
