ગુજરાતી ફિલ્મ રસિકો માટે એક અદ્ભુત ધમાલ અને મનોરંજનનો ડોઝ લઇને નવી ફિલ્મ આવી ગઇ છે, આ ફિલ્મ છે બબલી બિંદાસ. સમગ્ર રાજ્યના થિયેટરોમાં આ ધમાલ અને મનોરંજનનો હેવી ડોઝ જેવી ફિલ્મ બબલી બિંદાસ રીલીઝ થઇ ગઇ છે. આ અદ્ભુત પારિવારિક ધમાલ કોમેડી ફિલ્મ બબલી બિંદાસ દર્શકોને પેટ પકડીને હસાવવા માટે ગુજરાતના સિનેમાઓમાં 15મી નવેમ્બરના દિવસે રીલીઝ થઇ ગઇ છે. બબલી બિંદાસની સમગ્ર ટીમ ફિલ્મના પ્રદર્શનને લઇને ભારે ઉત્સાહી છે અને બબલી બિંદાસ ફિલ્મ દર્શકોને જરૂરથી ગમશે તેવી બબલી બિંદાસની ટીમે આશા વ્યક્ત કરી છે. ફિલ્મમાં મુખ્ય પાત્રોમાં અભિનેત્રી નિરાલી ઓઝા, અભિનેતા રવિ ઓમપ્રકાશ રાવ, અભિનેત્રી ગ્રેન્સી કનેરિયા, અભિનેતા નિસર્ગ મિસ્ત્રી સહિત જાણીતા ગુજરાતી સિંગર અભિનેતા અરવિંદ વેગડા પણ ફિલ્મમાં લોકોને હસાવતા નજરે પડી રહ્યા છે.
