હાલમાં જ ગોવાના પણજી ખાતે પેડેમ ઈન્ડોર સ્ટેડિયમમાં વર્લ્ડ ફુનાકોશી શોતોકાન કરાટે ઓર્ગેનાઈઝેશન FSKA વર્લ્ડ કરાટે ચેમ્પિયનશીપ સ્પર્ધા યોજાઇ હતી. 7 નવેમ્બરથી 10મી નવેમ્બર 2024 દરમિયાન 24મી એફએસકેએ વર્લ્ડ કરાટે ચેમ્પિયનશિપ યોજાઈ હતી.
આ સ્પર્ધામાં 15થી વધુ દેશના વિવિધ એજગ્રૂપના સ્પર્ધકોએ ભાગ લીધો હતો. ગુજરાતના એડવાન્સ ટેઈફૂડો માર્શલ આર્ટના 23 સ્પર્ધકોએ પણ આ સ્પર્ધામાં ઉત્કૃષ્ટ દેખાવ દ્વારા વિવિધ મેડલ હાંસલ કર્યા હતા. જેમાં ગુજરાતની 10 વર્ષીય શનાયા ત્રિવેદીએ કાતા સ્પર્ધામાં બ્રોન્ઝ મેડલ મેળવી ગુજરાતનું નામ રોશન કર્યું છે. તેની આ સિદ્ધિ બદલ કૌટુંબીજનો અને સ્નેહીઓ દ્વારા શુભેચ્છાઓનો વરસાદ અને અભિનંદન મળી રહ્યા છે.
