સામાજિક સુરક્ષાને મજબૂત કરવા માટે, કર્મચારી ભવિષ્ય નિધિ સંગઠન (EPFO)ના પેન્શનમાં મોટા ફેરફારો સાથે તેને આકર્ષક બનાવવાની દરખાસ્તો પર ગંભીરતાથી વિચાર કરવામાં આવી રહ્યો છે. જે મુજબ પેન્શન ફંડમાં જમા થયેલી રકમ EPF પેન્શનર અને તેમના જીવનસાથીના બાળકોને તેમના મૃત્યુ પછી આપવામાં આવે તે અંગે સરકાર વિચાર કરી રહી છે. સાથે જ સરકાર લઘુત્તમ પેન્શન વધારવાની તૈયારી પર યોજના બનાવવામાં લાગી છે.
શ્રમ મંત્રાલય EPF સભ્યોને પેન્શન યોજનામાં જોડાવા અને પ્રોત્સાહિત કરવા માટે આ પ્રસ્તાવને ખૂબ જ મહત્વપૂર્ણ માનવામાં આવી રહ્યા છે. જેમાં મંત્રાલય લઘુત્તમ પેન્શનને તર્કસંગત કરવાની તૈયારીમાં છે, જેમાં વર્તમાનમાં 1000 રૂપિયાની લઘુત્તમ રકમને વધારવાનો પ્રસ્તાવ છે. જ્યારે EPF હેઠળ સામાજિક સુરક્ષા માળખું મજબૂત કરવા માટે શ્રમ મંત્રાલય સભ્યોને EPS-1995 યોજના હેઠળ ઉચ્ચ પેન્શન માટે EPS ફંડમાં તેમનું યોગદાન વધારવાનો વિકલ્પ આપવા અંગે ગંભીરતાથી વિચાર કરી રહ્યું છે.
