અલ્લુ અર્જુન અને રશ્મિકા મંદાનાની ‘પુષ્પા 2: ધ રુલ હાલ થિયેટરોમાં ધૂમ મચાવી રહી છે અને કમાણીના નવા કીર્તિમાન સ્થાપિત કરી રહી છે. ત્યારે રિલીઝના 11 માં દિવસે તેણે દેશમાં 76.60 કરોડ રૂપિયાનું બમ્પર નેટ કલેક્શન કર્યું છે. એટલું જ નહીં યશની KGF2 અને રામ ચરણ-જુનિયર એનટીઆરની RRRને પછાડીને આ વર્લ્ડવાઈડ ત્રીજી સૌથી વધુ કમાણી કરનારી ઈન્ડિયન ફિલ્મ બની ગઈ છે.
વિશ્વભરમાં સૌથી વધુ કમાણી કરનારી ભારતીય ફિલ્મોમાં હવે આ બાહુબલી 2 અને દંગલ આનાથી આગળ છે. 500 કરોડ રૂપિયાના બજેટમાં બનેલી આ ફિલ્મે 11 દિવસોમાં વર્લ્ડવાઈડ 1302 કરોડ રૂપિયાની ગ્રોસ કમાણી કરી લીધી છે. તેમાંથી વિદેશોમાં 225 કરોડ રૂપિયાની ગ્રોસ કમાણી થઈ છે, જ્યારે ભારતમાં 1077.60 કરોડનો ગ્રોસ બિઝનેસ થયો છે.
