સૌથી નાની વયે પેઇન્ટર બનવાનો રેકોર્ડ પોતાના નામે કરનાર શનાયા ત્રિવેદીએ વધુ એક સિદ્ધિ પોતાના નામે કરી છે. અમદાવાદના સોલા વિસ્તારમાં આવેલ SS ડિવાઇન સ્કૂલમાં આયોજિત ત્રીજા સરદાર પટેલ કરાટે કપ-2024માં શનાયાએ ગોલ્ડ મેડલ જીતવામાં સફળતા પ્રાપ્ત કરી છે.
એડવાન્સ ટેફુડો માર્શલ આર્ટ્સ અને તાઈયો કૈયો શિતો રયુ કરાટે ઈન્ડિયા દ્વારા આયોજિત ત્રીજા સરદાર પટેલ કરાટે કપ -2024માં શનાયાએ કોચ હિમાંશુ રાવલની તાલીમ મેળવી 10 વર્ષની કેટેગરીમાં આ ગોલ્ડ મેડલ જીત્યો હતો. મહત્વનું છે કે, કરાટેની સાથે સાથે શનાયા પેઈન્ટિંગ તેમજ કુકિંગ ક્ષેત્રે પણ ખૂબ જ કુશળ છે. શનાયાએ કુકિંગ અને પેઈન્ટીંગ ક્ષેત્રે ઈન્ટરનેશનલ ટેલેન્ટ બુક ઓફ રેકોર્ડ્સ દ્વારા ઓળખ પ્રાપ્ત કરી હતી.
