દક્ષિણના સ્ટાર અલ્લૂ અર્જુનની ફિલ્મ પુષ્પા-2 હાલ જબરદસ્ત દેખાવ કરી રહી છે. ના માત્ર દક્ષિણ ભારતમાં પણ સમગ્ર દેશના વિવિધ રાજ્યોમાં પણ આ ફિલ્મ ધૂમ મચાવી રહી છે.અલ્લુ અર્જુન ફિલ્મ ‘પુષ્પા 1: ધ રાઇઝ’ 2021 માં થિયેટરોમાં રિલીઝ થઈ, ત્યારે તેલુગુ સ્ટારની ફિલ્મ જોઈને લોકો તેના ફેન બની ગયા હતા. પરંતુ હવે ‘પુષ્પા 2: ધ રૂલ’ સાથે, અલ્લુ અર્જુનના સ્ટારડમમાં વધારો કરી દીધો છે. તે હવે હિન્દી બોક્સ ઓફિસ પર સૌથી મોટી ફિલ્મ બની ગઈ છે. આ સાથે જ અલ્લુ અર્જુન આ આવી સફળતા મેળવનારો બીજો સાઉથ સ્ટાર બની ગયો છે. આ પહેલા પ્રભાસની ‘બાહુબલી 2’ હિન્દીમાં સૌથી વધુ કમાણી કરનારી ફિલ્મ બની હતી.2024માં રિલીઝ થયેલી બોલીવુડની હોરર કોમેડી ‘સ્ત્રી-2’ શાહરૂખ ખાનની બ્લોકબસ્ટર ‘જવાન’ને પછાડીને સૌથી મોટી હિન્દી ફિલ્મ બની હતી. શ્રદ્ધા કપૂર અને રાજકુમાર રાવની ફિલ્મે ‘જવાન’નો 584 કરોડ રૂપિયાનો રેકોર્ડ તોડી નાખ્યો હતો. પરંતુ ‘સ્ત્રી 2’ નો રેકોર્ડ 6 મહિના પણ ટકી શક્યો નથી.
ટોપ 5 ફિલ્મો
1. પુષ્પા 2 – રૂ. 633 કરોડ
2. સ્ટ્રી 2 – રૂ. 627 કરોડ
3. જવાન – રૂ. 584 કરોડ
4. ગદર 2 – રૂ. 525.70 કરોડ
5. પઠાણ – રૂ. 524.53 કરોડ
