છેલ્લા કેટલાક સમયથી ડિજિટલ એરેસ્ટથી જોડાયેલી અનેક છેતરપિંડી સામે આવી રહી છે. છેતરપિંડી કરનારાઓથી બચવા માટે સરકાર દ્વારા મોબાઇલ પર અભિયાન ચલાવવામાં આવી રહ્યું છે. આમ છતાં છતરપિંડી બંધ થઇ રહી નથી. ત્યારે બેંગલુરુના હેબલમાં 39 વર્ષીય સોફ્ટવેર એન્જિનિયર ડિજિટલ અરેસ્ટનો શિકાર બન્યો હતો. ઠગોએ તેને ધમકી આપીને તેની પાસેથી 11.8 કરોડ રૂપિયા પડાવી લીધા હતા. બાદમાં શંકા જતાં એન્જિનિયરે પોલીસ ફરિયાદ નોંધાવી હતી.પોલીસ અધિકારીઓના જણાવ્યા અનુસાર ૩૯ વર્ષીય પીડિત સાથે નકલી પોલીસ બનીને છેતરપિંડી કરનારાઓએ સુપ્રીમ કોર્ટનો ડર બતાવી ૧૧.૮ કરોડ રૂપિયાની છેતરપિંડી કરી હતી.
નકલી પોલીસ અધિકારી બનીને ગુનેગારોએ પીડિતને જણાવ્યું હતું કે મની લોન્ડરિંગ માટે બૈેંક ખાતું ખોલવા માટે તેના આધાર કાર્ડનો દુરુપયોગ કરવામાં આવી રહ્યો છે. પોલીસના જણાવ્યા મુજબ, પીડિત સાથે છેતરપિંડી 25 નવેમ્બરથી 12 ડિસેમ્બર વચ્ચે આચરવામાં આવી હતી. આરબીઆઇના નકલી દિશાનિર્દેશોનો સંદર્ભ આપીને છેતરપિંડી આચરનારાઓએ પીડિત પાસે સત્યાપન ઉદ્દેશો માટે કેટલાક ખાતાઓમાં નાણા ટ્રાન્સફર કરવા જણાવ્યું હતું. પીડિતે ધરપકડના ડરથી બચવા માટે કુલ ૧૧.૮ કરોડ રૂપિયા વિભિન્ન બેંક ખાતાઓમાં ટ્રાન્સફર કર્યા હતાં. જ્યારે તે વધુ નાણાની માંગ કરવા લાગ્યા તો પીડિતને ખ્યાલ આવ્યો કે છેતરપિંડીનો શિકાર થઇ ગયો છે.
