ગુજરાતમાં ગુરુવારે સાંજથી વાતાવરણમાં પલટો જોવા મળી રહ્યો છે. મોડી સાંજે ગાજવીજ સાથે કેટલાક વિસ્તારોમાં વરસાદ વરસ્યો હતો. રાજ્યના વિવિધ જિલ્લાના ગ્રામ્ય અને શહેરી વિસ્તારોના વાતાવરણમાં અચાનક પલ્ટો જોવા મળ્યો હતો. ત્યારે ભરશિયાળે ફરી એકવાર વરસાદની આગાહી હવામાન વિભાગે વ્યક્ત કરી છે. ડિસેમ્બર મહિનાના અંતમાં એક બાજુ ઠંડીનો માહોલ જામ્યો છે, ત્યાં જ આફતના વરસાદની પણ આગાહી કરવામાં આવી રહી છે. આજે શુક્રવારે હવામાન વિભાગ દ્વારા રાજ્યના હવામાન અંગે આગાહી કરવામાં આવી છે.
ખાસ કરીને, આગામી 24 કલાક દરમિયાન રાજ્યના કયા-કયા જિલ્લાઓમાં વરસાદની સંભાવના છે અને કયા ચાર જિલ્લાઓમાં કરા પડવાની શક્યતા છે. સાબરકાંઠા, બનાસકાંઠા, અરવલ્લી, નર્મદામાં કરા પડવાની પણ સંભાવના છે. તેમના જણાવ્યા અનુસાર, બનાસકાંઠા, સાબરકાંઠા, નર્મદા અને અરવલ્લીમાં ઓરેન્જ એલર્ટ આપવામાં આવ્યું છે. બાકીના જિલ્લાઓમાં યલો એલર્ટ આપવામાં આવ્યું છે.
