ચીનમાંથી ફેલાયેલ કોરોના વાયરસે દુનિયાભરના અનેક દેશોને પોતાની ઝપેટમાં લીધા હતા. કોવિડ-19ના કારણે લાખો લોકોના મોત થયા હતા. કોવિડ-19ની યાદો એટલી ભયાનક છે કે જે કદાચ લોકોના મગજમાંથી વર્ષો સુધી ભૂલાય એમ નથી. જોકે આ વચ્ચે કોરોના કાળના 5 વર્ષ બાદ ફરી એકવાર ચીનથી એક ડરામણાં અહેવાલ સામે આવ્યા છે. ચીનમાં ફરી એકવાર કોરોના જેવો ઘાતક વાયરસ તબાહી મચાવી રહ્યો હોવાના દાવા થઇ રહ્યા છે.
https://x.com/ui000009/status/1874848350127939797
મળતી માહિતી મુજબ, ચીનમાં ફરી એકવાર હસ્યમય બિમારીએ દસ્તક આપી છે. હાલમાં જ સોશિયલ મીડિયા પ્લેટફોર્મ પર જે સમાચાર વાયુવેગે વાયરલ થઈ રહ્યા છે તેમાં દાવો કરવામાં આવી રહ્યો છે કે ચીનની હોસ્પિટલ દર્દીઓથી ઉભરાઈ રહી છે, સ્મશાન ઘાટો પર ભારે ભીડ છે અને ઘણા વાયરસ જેવા કે ઈન્ફલ્યુએન્ઝા A, માયકોપ્લાઝમા ન્યુમોનિયા અને હ્યુમન મેટાપ્યુમોવાયરસ (hMPV) જેવા ઘણા વાયરસના કેસ વધી રહ્યા છે. કેટલાક લોકો આને એક નવી મહામારીનો સંકેત ગણાવી રહ્યા છે. ચીનમાં હાલ શ્વાસ સંબંધી બિમારીઓના કેસ ઝડપથી વધી રહ્યા છે, જેનો ભોગ મોટાભાગે બાળકો અને વૃદ્ધો બની રહ્યા છે. જોકે, ચીનની સરકાર કે વિશ્વ આરોગ્ય સંસ્થા (WHO)એ આ અંગે કોઈ ઔપચારિક ચેતવણી જારી કરી નથી. નિષ્ણાતો માને છે કે આ રોગ મોસમી છે અને નવો રોગચાળો નથી.
