– ‘હ્યુમન મેટાન્યૂમો’ HMPV વાયરસે હાલ ચીનમાં ભારે હાહાકાર મચાવ્યો છે. ચીનમાં વાયરસને કારણે સ્થિતિ વણસી ગઈ છે. ચીનના વુહાન શહેરમાં મોટી સંખ્યામાં બાળકો આ વાયરસની ચપેટમાં આવી જતા સરકારે શાળાઓ બંધ કરવાની ફરજ પડી છે.
મળતી માહિતી મુજબ, ચીનમાં વાઈરસ ફેલાયા બાદ એવી સ્થિતિ ઉભી થઈ છે કે, વુહાનમાં શાળાઓ બંધ કરી દેવી પડી છે. અહીં 10 દિવસમાં HMPVના કેસો 529 ટકા વધ્યા છે. અનેક બાળકો વાયરસ સંક્રમિત થયા બાદ સરકારે શાળાઓ બંધ રાખવાનો નિર્ણય લેવો પડ્યો છે. બીજીબાજુ એન્ટીવાયરલ દવાઓની અછતના કારણે લોકો ભારે મુશ્કેલીનો સામનો કરી રહ્યા છે. ચીનમાં એક બાદ એક HMPV વાયરસથી સંક્રમિત થનારાઓની સંખ્યા વધતા WHO પણ હરકતમાં આવ્યું છે અને ચીન પાસે વાયરસની સંપૂર્ણ માહિતી માગી છે. આ વાયરસ અનેક દેશો સુધી પહોંચી ગયો છે.
