ઓસ્ટ્રેલિયાએ ICC ચેમ્પિયન્સ ટ્રોફી માટે પોતાની ટીમની જાહેરાત કરી દીધી છે. સ્ટાર ફાસ્ટ બોલર પેટ કમિન્સ ટુર્નામેન્ટમાં ટીમનું નેતૃત્વ કરશે. ક્રિકેટ ઓસ્ટ્રેલિયાએ સોમવારે X પર આઠ ટીમોની આ ટુર્નામેન્ટ માટે તેની પ્રારંભિક ટીમની જાહેરાત કરી હતી. આ વખતે ચેમ્પિયન્સ ટ્રોફી 19 ફેબ્રુઆરીથી 9 માર્ચ સુધી પાકિસ્તાન અને દુબઈમાં ત્રણ સ્થળોએ યોજાઈ રહી છે. ઈજાના કારણે પેટ કમિન્સનું રમત શંકાસ્પદ હતું, પરંતુ તેને 15 સભ્યોની ટીમમાં સામેલ કરવામાં આવ્યો છે. 2023 માં, ઓસ્ટ્રેલિયાએ કમિન્સની કપ્તાની હેઠળ વર્લ્ડ ટેસ્ટ ચેમ્પિયનશિપ અને ODI વર્લ્ડ કપનો તાજ જીત્યો હતો. પેટ કમિન્સના નેતૃત્વમાં ઓસ્ટ્રેલિયન ટીમમાં ટ્રેવિસ હેડ, માર્નસ લેબુશેન, સ્ટીવ સ્મિથ, જોશ ઇંગ્લિસ , એલેક્સ કેરી , મિચેલ માર્શ, ગ્લેન મેક્સવેલ, માર્કસ સ્ટોઇનિસ, મેથ્યુ શોર્ટ, એરોન હાર્ડી, મિશેલ સ્ટાર્ક, જોશ હેઝલવુડ, નાથન એલિસ , આદમ ઝમ્પાનો સમાવેશ કરાયો છે.
