હેરા ફેરી અને ફીર હેરા ફેરી સુપરહિટ થયા બાદ ચાહકો આતૂરતાથી હેરાફેરી-3ની રાહ જોઈ રહ્યા છે. ત્યારે હેરાફેરી-3ને લઈ મોટી અપડેટ સામે આવી છે. પ્રખ્યાત ફિલ્મ નિર્દેશક પ્રિયદર્શને આ અંગે માહિતી આપી છે. તેમણે હેરાફેરી ફિલ્મ ફ્રેન્ચાઇઝીમાં પરત ફરવાની જાહેરાત કરી. આ દિગ્ગજ ફિલ્મ નિર્માતા હેરા ફેરી 3નું દિગ્દર્શન કરશે.
તેમણે ફ્રેન્ચાઈઝીની પ્રથમ ફિલ્મનું દિગ્દર્શન કર્યું હતું જે વર્ષ 2000માં રિલીઝ થઈ હતી. જો કે, ફિર હેરા ફેરીનું નિર્દેશન 2006માં નીરજ વોરા દ્વારા કરવામાં આવ્યું હતું. હવે, પ્રિયદર્શને પોતે જ તેની વાપસીની જાહેરાત કરી હતી. ફિલ્મમાં ફરી એકવાર અક્ષય કુમાર, સુનીલ શેટ્ટી અને પરેશ રાવલ મુખ્ય ભૂમિકામાં હશે.
