ફિલ્મમેકર રોહિત શેટ્ટી ફિલ્મોના માધ્યમથી પોતાના ‘કૉપ યુનિવર્સ’નું સર્જન કરી રહ્યો છે. આ યુનિવર્સમાં ‘સિંઘમ’, ‘સિમ્બા’ અને ‘સૂર્યવંશી’ જેવી ફિલ્મોનો સમાવેશ થાય છે. હવે તે આ યુનિવર્સમાં નવી ફિલ્મ બનાવવાનું પ્લાનિંગ કરી રહ્યો છે.રોહિત શેટ્ટી વધુ એક કોપ ડ્રામ બનાવી રહ્યો છે. આ ફિલ્મ મુંબઈના ભૂતપૂર્વ પોલીસ કમિશનર રાકેશ મારિયાની બાયોપિક હશે. તેમાં રાકેશ મારિયાનો રોલ જોન અબ્રાહમ ભજવવાનો છે.
રોહિત શેટ્ટી આગામી મહિને આ ફિલ્મનું શૂટિંગ શરુ કરવાનો છે. રોહિત શેટ્ટીએ સળંગ ૪૫ દિવસમાં સંપૂર્ણ શૂટિંગ પૂર્ણ કરી દેવાનો પ્લાન બનાવ્યો છે.સ્ક્રિપ્ટ, સેટ સહિતની તમામ બાબતો ફાઈનલાઈઝ કરી લેવામાં આવી છે. રાકેશ મારિયાએ ‘લેટ મી સે ઈટ નાઉ’ ટાઈટલથી એક પુસ્તક લખ્યું છે. આ પુસ્તકના આધારે ફિલ્મની કથા લખવામાં આવી છે. તેમાં મુખ્યત્વે ૨૬-૧૧ એટેક વખતની તપાસની બાબતને સાંકળી લેવામાં આવશે તેમ માનવામાં આવી રહ્યું છે.
