શનિવારે અમદાવાદના નરેન્દ્ર મોદી ક્રિકેટ સ્ટેડિયમમાં આઈપીએલ 2025 ની સિઝનમાં ગુજરાત ટાઈટન્સ અને મુંબઈ ઈન્ડિયન્સ વચ્ચે મેચ રમાઈ હતી. શુભમન ગિલના નેતૃત્વ હેઠળની ગુજરાતની ટીમે આ મેચમાં 36 રનથી મુંબઈ ઈન્ડિયન્સને હરાવી સિઝનમાં પોતાની પ્રથમ જીત નોંધાવી હતી. મુંબઈ ઈન્ડિયન્સે ટોસ જીતીને પ્રથમ બોલિંગનો નિર્ણય લીધો હતો. જેમાં ગુજરાતે પ્રથમ બેટિંગ કરતા 20 ઓવરમાં 8 વિકેટના નુકસાન પર 196 રન બનાવ્યા હતા.
જેના જવાબમાં મુંબઈની ટીમ 20 ઓવરમાં 6 વિકેટના નુકસાન પર માત્ર 163 રન જ બનાવી શકી હતી. ગુજરાત તરફથી સાઇ સુદર્શને 41 બોલમાં 63 રન બનાવ્યા હતા. જ્યારે શુભમન ગિલે 38 અને બટલરે 39 રનની ઈનિંગ રમી હતી. બોલિંગમાં વાત કરવામાં આવે તો ગુજરાત તરફથી સિરાજ અને પ્રસિદ્ધ ક્રિશ્નાએ 2-2 વિકેટ ઝડપી હતી. જ્યારે રબાડા અને સાઇ કિશોરે 1-1 વિકેટ ઝડપી હતી.
